You are here: 首頁 銀杏網誌 年初二、有意義
SMLTodays is:週六, 23 九月 2017
年初二、有意義 PDF 列印 E-mail
AddThis Social Bookmark Button

年初二的開年飯
《銀杏館》年初五才啟市,但太子店年初二卻人頭湧湧,點解呢?

原來《銀杏館》今日免費接待一D貧窮家庭,開開心心食餐開年飯。

哪次咁有人情味的開年飯,只係籌備左2個星期。所有當日「返舖頭做野」的同事,全部自由報名,義工身份,無工資無補假。

幕後功臣Joyce四出搵贊助,結果有人贊助魚,有人贊助雞,有人贊助水果……,稻香集團就贊助(每位參加者$50)「現金券」;真係衷心多謝各界嘅贊助。而《銀杏館》就負責出地方、人力及「包底」,總之「無邊樣就出邊樣」。

今次「關愛年初二」希望參加的家庭,食得愉快一D,所以事前特登唔對外宣傳,連TV新聞採訪都推辭咗,全程無儀式,無VIP演講,真心誠意,唔攪咁多繁文縟節。

初二朝早,一大班義工晨早到位,《銀杏館》主席黎SIR操刀切魚鬆,會計關先生斬雞,資訊科技處彭先生洗碗,女食神心言小姐埋鑊炒菜;一眾雜牌軍披甲上陣,似模似樣。再加埋一班專業嘅廚師及樓面同事,真係「氣氛輕鬆,嚴謹辦公」。

當日共有150位朋友出席,食的菜式都只是一般家庭開年飯,唔係乜野高貴盛宴,但勝在人情味十足,「嚐」得到果份心意。

離開果陣,大部份參加者都由衷咁道謝;感謝嘅唔係免費午餐,而係彼此那份關懷。總之,今餐開年飯,食嘅同做嘅都咁開心。

遲D,等同事放假返工後,整理好份贊助名單,我地會再向各贊助人及商號一一道謝。

小記在此祝大家事事順利。

《銀杏館》義工們,討論點樣攪好初二嘅活動

有晒紀錄,確係認真

黎主席操刀切魚鬆

會計關先生也來一顯身手,廚師輝仔暫時退居第二線

幕後功臣Joyce就洗菜啦!

無儀式、無VIP演講、無繁文縟節;只係開開心心食餐開年飯

當150位「特選家庭」嘅朋友吃過這餐以人情味為主的開年飯,一眾義工當然要影番張大合照啦!

 
© 2013 Catering.org.hk | 版權所有 不得轉載.