You are here: 首頁 銀杏網誌 李香琴(琴姐) @ 銀杏館
SMLTodays is:週三, 20 九月 2017
李香琴(琴姐) @ 銀杏館 PDF 列印 E-mail
AddThis Social Bookmark Button

繼荷媽李司琪及俊男鄭嘉穎之後,「嫲嫲」李香琴早兩日又光臨佐敦銀杏館。

琴姐在TVB劇集《家好月圓》中飾演「嫲嫲」的角色,演技精湛,有目共睹。佢有時好鬼霸道,欺負荷媽;有時又好鬼可愛,不知幾錫「管家仔」林峯,一老一青,演得出色動人。

今次琴姐應一個網站的邀請,同埋契女李麗霞到銀杏館拍攝「名人食評」,與銀杏館的同事,有傾有講,和藹可親。

一傾開,原來陳 SIR 當年(15歲)在越南海防任待應生,已經接待過當時前往越南登台的琴姐。提起舊事,琴姐仲記得好清楚。

諗唔到,54年後大家又再遇到,大家仍然在同樣的崗位努力。正如琴姐講,佢而家演戲都唔係為名利了;但係見到演出成功,觀眾受落,角色成為經典,依然會覺得好開心,一切辛苦都會忘記晒。

其實,銀杏館的長者同事都係差不多,個人的能力得到肯定,辛苦都係滿足嘅。

有同事係「管家仔」林峯的Fans,問小記林峯幾時嚟。小記話:「點知呀?快D做嘢!老闆發起老脾,扣人工夾打一身呀!哈哈......」

哈哈吓.....又到Dinner時間.....又收鋪.....又一天。

琴姐、陳SIR話當年。

關於琴姐對銀杏館出品的評價,歡迎登入以下網頁。

http://www.yo-hk.com/index. php?option=com_content&view= article&id=153:yo-star-9& catid=49:yo-star&Itemid=73

 
© 2013 Catering.org.hk | 版權所有 不得轉載.