今日又喺銀杏館試菜，準備稍後調整吓菜色！

另外，銀杏館又計劃供應「公平貿易」嘅有機食品，例如：有機白酒、紅酒、紅茶、咖啡、朱古力及曲奇餅等等。咁多嘢，當然又要「一次過」試食啦！

老實講，供應「公平貿易」嘅有機產品，成本真係高好多；不過作為「香港良心品牌」，咁做係應該嘅。

喺香港做歐陸菜，最難嘅係適應香港客人的「地道口味」。例如造出精緻嘅「新派法國菜」，好多客人會話「唔夠食」「唔抵食」「揾苯」。整大碟Ｄ呢！又有客人話「唔夠精緻」。

如果用牛油造菜，客人會話「唔健康」；用欖油呢！客人會話「唔夠香」「有Ｄ油膩感」。兩難！所以好考廚師的EQ。

講到試菜試酒，都係果句，一次過試10幾度菜，真係幾滯。

不過，我地遲Ｄ會推出「會員制」。構思之中，會邀請會員免費參與試菜試酒；請大家多Ｄ留意啦！

【以下菜色仲係「試版」，好多地方仲要改良！】